कृषि तंत्रज्ञान सप्ताह कार्यक्रमाची सुरुवात
डॉ. पंजाबराव देशमुख कृषि विद्यापीठ अंतर्गत कृषि विज्ञान केंद्र, साकोली च्या वतीने दिनांक १५ ऑक्टोबर २०२३ रोजी मौजा पापडा खुर्द, ता. साकोली इथे कृषि तंत्रज्ञान सप्ताह कार्यक्रमाची सुरुवात व महिला शेतकरी दिवस कार्यक्रमाचे आयोजन करण्यात आले होते.
सदर कार्यक्रमाला श्री. पि.पि. पर्वते, विषय विशेतज्ञ, कृषि विस्तार, कृषि विज्ञान केंद्र, साकोली, श्री. खलीम शेख, अध्यक्ष, ग्राम विकास समिती, पापडा. सौ. मीनाक्षी लंजे, कृषिसखी उमेद, सौ. कोकिला झोडे, कु. आशा इडोळे, कृषि विज्ञान केंद्र, साकोली, श्री. हरिजी लांजेवार, श्री. नामदेव सोनवाने, यांचेसह गावातील पुरुष/महिला शेतकरी उपस्थित होते.
श्री. पि.पि. पर्वते, विषय विशेतज्ञ, कृषि विस्तार यांनी, कृषि विज्ञान केंद्र, साकोली यांनी डॉ. पंजाबराव देशमुख कृषि विद्यापीठ, अकोला अंतर्गत प्रसारित विविध वाणांचा अवलंब यामध्ये कमी कालावधीच्या धान वाणांची लागवड करावी जेणेकरून कीड आणि रोगांचा प्रादुर्भाव कमी होईल, धान शेतीमध्ये नवीन तंत्रज्ञानाचा अवलंब करावा तसेच पेरीव धान लागवडीवर जास्त भर द्यावा आणि धान पिकाला पर्यायी पिके घेऊन रबी हंगामात भरडधान्य तर भाजीपाला आणि फळबाग पिकाकडे वळावे असे सांगितले. कृषि तंत्रज्ञान सप्ताह कार्यक्रम अंतर्गत त्यांनी कृषि क्षेत्रामध्ये महिलांचे योगदान बाबतीत माहिती सांगून महिलांनी गटाच्या माध्यमातून कुटिरउद्योग सुरु करावे, धान शेतीमध्ये महिलांचे श्रम कमी करण्यासाठी कृषि यांत्रिकीकरणच्या माध्यमातून विविध औजारे वापर करावे, महिला शेतकरी दिवस निमित्त सर्वांनी माहिती तंत्रज्ञानाचा वापर करून कृषि तंत्रज्ञानच्या माध्यमातून शेती पद्धतीमध्ये बदल करून उत्पन्न वाढवावे असे सांगितले, तसेच शेती पूरक व्यवसाय च्या बाबतीत माहिती दिली.
कृषि विज्ञान केंद्र साकोली अंतर्गत १५ ते २१ ऑक्टोबर २०२३ या कालावधीमध्ये कृषि तंत्रज्ञान सप्ताह सुरु करण्यात आला असून डॉ. उषा डोंगरवार, वरिष्ठ शास्त्रज्ञ व प्रमुख, कृषि विज्ञान केंद्र, साकोली यांच्या मार्गदर्शनाखाली दर दिवसी विविध विषयांवर कार्यक्रमांचे आयोजन करण्यात आले आहे.
सदर कार्यक्रमाला पापडा गावातील पुरुष/महिला शेतकरी उपस्थित होते, कार्यक्रमाचे सूत्रसंचालन व आभार प्रदर्शन कु. आशा इडोळे, कृषि विज्ञान केंद्र, साकोली यांनी केले तर कार्यक्रमाच्या यशस्वीतेकरिता ग्रामीण कृषि कार्यानुभव विद्यार्थी यांनी प्रयत्न केले.
