डॉ. पंजाबराव देशमुख कृषि विद्यापीठ, अकोला अंतर्गत कृषि विज्ञान केंद्र, साकोली, भंडारा तर्फे प्रधानमंत्रीधन धान्य कृषि योजना कार्यक्रमाचे थेट प्रसारण आयोजनकृषि विज्ञान केंद्र, साकोली, भंडारायेथे करण्यात आले आहे.
या कार्यक्रमा अंतर्गत मा. प्रधानमंत्री, भारत सरकार यांचे शुभ हस्ते शनिवार दिनांक ११ऑक्टोबर २०२५रोजी सकाळी ११ वाजता नवी दिल्ली मधील भारतीय कृषि अनुसंधान परिषद येथे आयोजित प्रधानमंत्री धन धान्य कृषि योजना व कडधान्य आत्मनिर्भरता योजना शुभारंभ कार्यक्रम आयोजित करण्यात आलेला आहे. सोबतच मा. प्रधानमंत्री, भारत सरकार, हे काही निवडक शेतकऱ्यांसोबत संवाद साधून इतर शेतकऱ्यांना मार्गदर्शन करणार आहेत. राज्यातील प्रत्येक शेतकऱ्यांपर्यंत हा कार्यक्रम पोहचविण्याच्या दृष्टीकोनातून थेट प्रक्षेपणाची व्यवस्था हि राज्यातील कृषि विद्यापीठे अंतर्गत कृषि विज्ञान केंद्रे यांच्या कडून करण्यात आली आहे. कृषि विज्ञान केंद्र, साकोली, भंडारा अंतर्गत सदर कार्यक्रमाचे थेट प्रक्षेपणाचे आयोजन करण्यात आले आहे.
यासोबतच उपस्थित शेतकरी बंधूकरिता रबी हंगामातील प्रमुख पिकांवरील मार्गदर्शन प्रशिक्षण कार्यक्रमाचे आयोजन करण्यात आले आहे. यामध्येतेलबिया पिके, मका व इतर पिकावर मार्गदर्शन करण्यात येणार आहे. सोबतच नैसर्गिक शेती व कडधान्य पिक बाबत माहिती मिळणार आहे. यासोबतच शिवार फेरी च्या माध्यमातून शेतकरी बंधूना प्रक्षेत्रावर लागवड करण्यात आलेले विविध धान वाणाची माहिती घेता येणार आहे. तरी सदर कार्यक्रमाला शेतकरी बंधूनी उपस्थित राहावे असे आवाहन डॉ. उषा डोंगरवार वरिष्ठ शास्त्रज्ञ व प्रमुख, कृषि विज्ञान केंद्र, साकोली यांनी केले आहे.
